"एक घर दुई बिरुवा रोपौ" भन्नी अभियानको साथ यस म्यागङ गाउँपालिका वडा नं. ३ का कृषकहरुको लागि कागती विरुवा वितरण कार्य र थोपा सिँचाई वितरण कार्य गाउँपालिका प्रमुख आशा तामाङ, उप-प्रमुख शान्ति लामा गुरुङ र वडा प्रतिनिधिहरुको उपस्थितिमा बितरण गरियो । यस अघि सामरी र बुङताङमा उक्त वितरण कार्य भैसकेको जानकारी गराउदछौँ ।
स्थान: कृषि तथा पशु सेवा शाखा, देउराली, नुवाकोट ।
मिति: २०७७ असार १५, समय: ३: ३० बजे

~ म्यागङ- ३, देउराली माने देखि ओख्रेनी जोड्ने सडकको स्तरवृद्धि पछिको दृश्य ।

म्यागङ गा.पा. वडा नं. १, बर्सन्चेतमा आ.ब. २०७६/०७७ दोश्रो चौमासिक सामाजिक सुरक्षा भत्ता रकम, वडा अध्यक्ष (वडा नं. १), ज्योति विकास बैङ्क (देउराली शाखा) र गा.पा. पञ्जिकरण विभागको संयुक्त सहकार्यमा सुरक्षा वापत् पाउने रकम वितरण गरियो । साथै घर-दैलौ कार्यक्रमबाट रकम पाउन छुट्नु भएका अथवा गाउँ भन्दा बाहिर बस्दै आउनुभएका म्यागङ गाउँपालिका अन्तरगतका लाभग्राहीहरुले सम्बन्धित बैङ्कको शाखा कार्यालयबाट आगामी दिनहरुमा आफ्नो रकम पाउन सकिने व्यहोरा अनुरोध छ ।

म्यागङ गा.पा., नुवाकोट- संघीय सासंद माननीय श्री बहादुर सिं लामा र पासाङ ल्हामु बस सेवा समिति, नुवाकोटका कोषाध्यक्ष श्री धन बहादुर गुरुङको विशेष सहयोगमा काठमाण्डौँ उपत्यका लागायत अन्य ठाउँमा विभिन्न पेशा, व्यवसाय, ज्याला, मजदुरी र अध्ययनको सिलसिलमा बस्दै आउनुभएका म्यागङ बासीहरु विश्व्यापी महामारी रुपमा फैलिरहेको कोरोना भाईरसको रोकथाम तथा नियन्त्रणको लागि नेपाल सरकारको लकडाउन घोषणको कारण अलपत्र अवस्थामा रहेको हुँदा उद्धारको निमित्ता नि:शूल्क १ सुमो र ७ डिलक्स बस मिति २०७७ बैशाख ११ गते साँझ काठमाण्डौँ पठाई बैशाख १२ बिहान यस गा.पा.